لوف حالي.. من نظرعين ابدويه
ليتني بـ اهـدابها رسـمة كـحل
عقب صابتني العيون النرجسيه
حاشـها عني حياها ..والخـجل
ياصباح النور بـ االطلة البهيه
كـنه الا الـبدر ليلة يكتمل
كم ضميتك شوق مايرويه ميه
وكم حعتك حب مجنون وخبل
يا نفل، ياشيح، ياوردة،نديه
ياكرز، ياتوت، ياطعم العسل
ياعباره مبهمه.. بالجوف حـيه
مـن حكاياتـي المثـيرة للجـدل
ياجفول الخيل اصيلات الهويه
كل ما تصهل لها الخافق صهل
من حفيف الريح لاهبت عليه
بصنع إعجاز القوافي والجمل
برسمك غيمه تظللني بفيه
عن لهيب القيض بحماك استظل
وارجع ارسمني لهب واذوب فيه
و انصهر لا ذبت فيه و اشتعــل
واشـعلك شمعة للآمآل الخفيه
في سـراجيف الضماير تـبتهل
بين هذي وبين ذيك، وبين ذيه
كـنه الا سـحر معقود العمل
سحرتكـفر به ذنوبي والخطيه
و آمنت به كل نبضات الأمل
ازرعيني مثل وردة موسميه
،بين رماّنك، و تـوتك، والنفل،
عقبها لو زاد جرحك ألف كيه
بـ آتــلـذذ.. في جروحك ما أمل
حتى لو مجنون ليلى العامريه
شاف حبي لك من اجنانه عقل
أشتكي لك منك، في طي القضيه
انت خصمي وانت لي قاضي العدل
بس تكفى.. راجع اوراقك شويه
لا تحمل ذنب حكمك في عجل
وإن نويت يكون من حبك ضحيه
قم.. توضا وإدع لي ربك، وصل
[