يامتعب الخطوه على الدرب لاهنت
وشلــون تحـزن والشمال بـ جهـاتك
جرب تمارس ضحكتك وين ما كنت
واحـزان عمــرك ستــرها في عبــاتك
الـريح قــامت وانحنت وانت مـا قمت
يـــا حـي لا تنهــار،، قــاوم وفــاتـك
تبــي تــرد الــريح وتبعثــر الصمت
ان مـالـقت بـك روح شـالـت رفــاتك
يـاكبــرها لا صـاح داعيك وين انـت
وجــا ينتخيــك ولا لقــا الا عصــاتك
أدري وصلت آخرمدى الصبروتعبت
مــابـه نكـد فــي رحلــة الــهم فــاتك
وانــا بعـد خــاويت الايــام ونــدمت
الله كــــم تــشبـه حـيــاتي حـيــاتــك
هـذا زمـان الـهم، والفقــر، والكبت
مـاهـو زمن سـم، وتـدلـل، وجــاتك
امـا انت في واقعـك سلمت وآمنت
والا اعترضت وعشت في ذكرياتك
يـا متعب الـخطـوه بوجهـك تمعنت
لـونـك ظهرلـي وادهشتنـي صفاتك
لــو المــرايـا منصفــه مـا تلــونت
كنت ابيضٍ من مـولـدك لي مماتك
بعض المرايا تعكسك مثل ما أنت
والا بعضهــا مــا يــوريـك ذاتــك
الشاعر.. مهدي بن سعيد
2014-08-01, 6:20 pm من طرف 
اليومية
قصيدة مميزة راقت لي كثير صح لسان شاعرها ولا هنت
