مرني طيفك..وطيفك صاحبي مدري عدوي
جايبٍ صوتك..وصوتك سكة الذكرى الحزينه
قبل ترحل..كنت اقول بيسرح ايامٍ ويضوي
مثل ما عوّدني اليا اشتقت له جابه حنينه
بس هالمره.. ثمان،، شهور وضلوعي تدوّي
كل يوم استاق لك ملعون ابو الشوق وسنينه
كل ما عشّمت قلبي قال.. لضلوعي تقوي
ورحت انا وياه نرقب رجعة الي فاقدينه
نوب اقول اليا رجع بكون في قمة هدوي
ونوب اقول..الا بزعل واتلى ما بيني وبينه
كل يوم اجلس على جال البحر واقول.. توي
لا سألني مافقدت الحلم..في لمسة يدينه
مادريت ان البحر ماقال لامواجه تروي
مادريت ان الغرق هو حجة غياب السفينه
مادريت،او مابغيت ادري،ولدري وشـ بسوي
لارجعت وشفت طيفك في الممرات الحزينه
وين ابنسى وانت طيفك صاحبي مدري عدوي
مارضي يترك لغيرك شبر واحد في المدينه
مما راق لي..